F-HTL Hamutuk Parseiru Estratéjiku Fasilita Treinamentu Tekníku no Jestaun Finansa ba (GMF)
Liquiça 30 Janeiru 2024-Iha loron Tersa-feira semana ne’e Fundaçaõ Hafoun Timor Lorosa’e (F-HTL) hamutuk ho serviço Municipal Àgua, Saneamento e Ambiente (SMASA), Fasilita Treinamentu Tekníku no Jestaun Finansa ba Grupu Maneja Fasilidade (GMF) iha Sistema Lorgoloa, Aldeia Pisulete, Suku Lauhata.
Objetivu husi treinamentu ida ne'e hodi kapasita no hasa’e kunesementu Estrutura-GMF sira ninia abilidade kona-ba oinsá sira rasik bele halo Operasaun ba Sistema no Jestaun ba Orsamentu ne’ebé kontribui husi Komunidade sira.
Iha treinamentu ida ne'e partisipa mós husi Xefi Aldeia Pisulete, Diretór SMASA, Koordenadór Ekipa BESI Munisípiu Liquiça no Komunidade sira ne'ebé kompostu husi Membru GMF totál 8 no Koordenadora Torneira totál 15.
Iha intervensaun Xefe Aldeia haktuir, Agrdese ba ekipa ne’ebé dada ona bee mai Aldeia Pisulete, Liu-liu Bairu ida ne'ebé durante tinan barak sofre ba asesu bee moos, tanba ne'e husu atu komunidade hotu bele kontribui hodi garantia sustentabilidade sistema ida ne'e.
Diretór SMASA mós salienta tan katak Estrutura ne’ebé dadaun ne'e ita estabelese bazeia ba Dekretu Lei Governu, liu husi Programa ida ne’ebé liu ona iha fulan hirak liu ba kotuk, ita mós fahe ona kona-ba Kna’ar no Responsabilidads GMF, tanba ne'e husu GMF sira atu kontinua koopera ho uma kain sira hodi rekolla fundus kontribuisaun ba operasaun no manutensaun Sistema sira.
